LAOAG CITY – Inlawlawag ni Atty. Juanito Antonio a ti panagbalin kas state witness ti maysa nga akusado ket ma-discharge wenno mawaswas ti sangsangoenna a kasona.
Mainaig iti daytoy, agbalin kas principal witness ti estado tapno ma-prosecute dagiti maseknan iti maysa a krimen.
Kunana nga adu nga addang ti pagalagadan tapno agbalin nga state witness ti maysa nga akusado. Umuna ket ti testimonia ti akusado ket napateg tapno maitudo ti nangidaulo ti panagaramid ti krimen, rumbeng a saan a nadagsen ti basol ken masapul nga ibuktaktak amin nga umno no saan ket maisubli daytoy kas akusado.
Kabayatanna, maipanggep ti maika-14 nga aldaw ti impeachment trial ni Vice President Sara Duterte, inpettengna a kasapulan nga ibutaktak no asino dagiti timmaud kas recipient dagiti intelligence funds ken confidential funds.
Inpakaammona a kasapulan ti testigo nga idasar ken i-account no kasano nausar ken napananna dagiti nadakamat a pundo.
Kunana no man saan a nailawlawag daytoy a nasaayat, maipagarup daytoy kas nausar para iti personal use pakairamanan pay dagiti alyas a nausar ti Office of the Vice President ken ti Department of Education idi indauloan ti Bise Presidente, kasapulan nga ibutaktak wenno paruaren no ania ti pakabigbiganda tapno ad-adda a mapaneknekan nga umno a tao dagitoy.
