LAOAG CITY – Ipayal-alisto ni Senate President Sherwin Gatchalian ti panangipasdek kadagiti permanente nga evacuation center iti kada siudad ken munisipalidad gapu iti napipigsa a tudo ken epekto ti habagat.
Inbatad ni Gatchalian a maiyallubog daytoy iti Ligtas Pinoy Centers Act a mangibilbilin iti panangipasdek kadagiti evacuation center kas natalged ken temporario a pagtarusan dagiti residente nga agibakwit gapu iti kalamidad.
Inlawlawagna a saanen a kasapulan nga usaren dagiti classroom a mabalin a mangitunda ti pannakaitantan iti natalged a panagsubli ti klase no adda ti evacuation centers kadagiti lokal a gobierno.
Basar iti report ng Department of Education (DepEd), umabot iti 522 classrooms iti 134 a pagadalan ti manarimaan nga us-usaren ti 2,815 a pamilia kas evacuation centers kadagiti nagduduma a lugar iti pagilian.
Immapela ni Gatchalian iti gobierno a maipasdek nga insigida dagiti evacuation centers maiyataday iti linteg tapno maaddaan ti natalged a lugar dagiti Pilipino a maapektaran ti kalamidad.
