LAOAG CITY – Makipaset ni Filipina Tennis star Alex Eala iti Cincinnati Open kalpasan ti Canadian Open run-na.
Manamnama a sangoen ni Eala ni Elena-Gabriela Ruse iti Cincinnati Open.
No siasinno man ti mangabak kadagitoy ket sangoenna iti quarterfinals iti baet ti No. 9 seed a ni Amanda Anisimova ken Zeynep Sonmez.
Maipalagip a saan a nakaay-ayam ti Filipina tennis star iti Cincinnati Open iti napalabas a tawen kalpasan daytoy a simmanud gapu iti shoulder injury-na.
Kabayatanna, naggapu iti Canadian Open iti Toronto ni Eala nga immabot daytoy iti Round of 16 sakbay a naatiw daytoy ni Belinda Bencic.
Agtultuloy nga agar-aramid ni Eala ti pakasaritaan manipud iti naaddaan ti breakthrough iti Miami Open iti napalabas a tawen.
Nagbalin daytoy kas No. 20 iti world ranking ken nagbalin a crowd favorite iti nagduduma a torneo.
