LAOAG CITY – Naiconfine iti ospital ni King Harald V iti Norway ken naka-sick leave iti uneg ti dua a lawas.
Ti agtawen ti 89 nga ari ket maysa kadagiti kabayagan a monarch nga agserserbi iti Europa.
Maipalagip a sumagmamanon a lawas nga agag-agas ni King Harald iti cortisone para ti rare blood condition haemolytic anaemia.
Mapasaran ti sakit no bumaba ti bilang ti red blood cells iti bagi a mangitunda ti alisto a pannakabannog ken marigatan nga umanges.
Gapu iti pannakai-confine iti ospital ni King Harald ket ti pay laeng anak na a ni Crown Prince Haakon, agtawen ti 53, ti mangidaulo iti pagilian da kabayatan a naka-sick leave ti ama na.
