LAOAG CITY – Nabigbig kas “worst movie of 2026” ti maysa a movie idiay China ngem nagbalin daytoy a box office hit.
Ti “Niu Lai, The Cow Is Coming” ket maysa nga animated movie a nag-viral gapu iti low-budget animation ken nagbalin daytoy a meme-able a nanggutigot ti addo nga agbuya.
Ti 86-minute animated film ket istoria ti maysa a tagtagainep ti maysa a baka.
Mainaig iti daytoy, nangrugi a naipabuya iti Chinese theaters idi August 5 nga awan aniaman a promotion kas ti trailer, press tour, billboard ken disente a poster.
Gapu iti arig kas naaramid iti school computer lab manipud iti stiff character models, lifeless voice acting ken nagulo a story plot, ninamnama nga awan agbuya iti daytoy no sadinno nakagun-odda laeng ti nababbaba ngem 300 tickets nga agbalor 7,169 yuan iti umuna a siam nga aldaw.
Kalpasan daytoy nagbalin a meme ken nag-viral, naartapanda ti mapatta-patta a 14.9 million yuan iti mid-August basar iti tracking site a Maoyan.
Naamoan a inaramid laeng ti movie iti mother-son duo a da Xin Yumen ken Sun Lifang a nangipundar ti lima a tawen ti writing, directing, producing ken voicing iti intero a movie nga isuda laeng.
