LAOAG CITY – Maragsakan ni Mr. Aurelio Almazan, Founder ken Chief Executive Officer ti “Ayatko”, maysa a social media application gapu iti umad-adu a bilang dagiti followers ken agus-usar iti daytoy.
Basar iti Filipino-Ilokano creator, saanna a ninamnama ti bilang dagiti followers ken users iti application gapu ta biit pay laeng a naipaiyamammo iti publiko.
Inbatadna a manamnama nga addo pay ti features iti nadakamat a mobile application inton sumarsaruno a bulan.
Mainaig iti daytoy, nagyaman ni Almazan iti tunggal maysa a Filipino ken Ilokano nga immunan a nangsuporta ken nagusar iti daytoy.
Naamoan a ni Almazan ket tubo iti Barangay 43 Cavit ditoy siudad ti Laoag ngem manarimaan nga agnanaed iti Texas, USA.
Umuna iti daytoy, nangipaay ti konseho ditoy suidad ti pammigbig ken ni Almazan gapu ta isuna iti kangrunaan nga Ilokano a nakaaramid iti a social media application.
