LAOAG CITY – Nagtalinaed ti Armed Forces of the Philippines (AFP) a saanda baybay-an wenno panawan ti BRP Sierra Madre.
Basar ken ni Armed Forces of the Philippines (AFP) spokesperson for West Philippine Sea Ret. Rear Admiral Roy Vincent Trinidad a mangiwar-waras laeng ti saan nga umno nga impormasion ti Chinese Embassy iti Manila mainaig iti presensia ti BRP Sierra Madre iti Ayungin Shoal.
Kunana a nalawag nga agiwar-waras laeng ti embahada ti saan nga umno nga impormasion ken gagemda a baliktaren ti pakasaritaan.
Dinakamat ni Trinidad ti napasamak idi 1995 no sadinno iligal a tinagikua ti Chinese Communist Party (CCP) iti Panganiban Reef wenno Mischief Reef a sakup ti pagilian a Pilipinas.
Inpaganetgetna a ti Mischief Reef ket kontreto a monumento iti saan nga umno nga maiwar-waras nga impormasion ti China iti West Philippine Sea.
Tinakderanna a ti presensia ti BRP Sierra Madre iti Ayungin Shoal ket nalinteg ken daytoy ket naipalaon iti 2016 Arbitral Tribulan a pammaneknek iti saan nga umno a panagtagikua ti China.
Kabayatanna, inlawlawagna nga awan aniaman a planoda nga ikkaten ti BRP Sierra Madre iti Ayungin Shoal.
