LAOAG CITY – Ginutigot ni Senador Christopher “Bong” Go dagiti agtutubo a kissayanda ti oras iti social media ken gadgets no sadinno ket inallukoyna ida a makipagpset iti isports ken kadagiti dadduma pay nga aktibidad tapno mapatibker ti disiplina, anos ken panagbalin a natibker.
Kas chairman ti Senate Committee on Sports, inbatadna a mabalin a mangitunda ti isports para kadagiti agtutubo tapno matulunganda ti bagida a patibkeren ti patinakemda..
Inlawlawag ti senador a saan a kalikagum ti panawaganna para iti panangipawil ti teknolohia wenno social media a segun kenkuana, makatulong ti isports tapno maiyadayo dagiti ubbiing iti karahasan, bisyo ken kadagiti dadduma pay a saan nga umno nga impluwensia.
Gapu iti daytoy, agtultuloy nga ilunglungalong ni Go ti napigpigsa a grassroots sports ken para iti pannakaipalawa ti akses kadagiti programa ti sports para kadagiti agtutubo iti nagduduma a paset ti pagilian.
