LAOAG CITY – Napagtalinaed ti Pilipinas ti natibker a pammati ti world credit rating agency iti pagilian kalpasan a kinumpirmaran ti Rating and Investment Information, Inc. (R&I) ken Moody’s ti investment-grade ratings ti pagilian nga addaan ti napintas a kasasaad.
Impakaammo ti Investment Information, Inc. (R&I) ti panagtalinaed ti pagilian iti A-rating idi Agosto 21, a sinaruno met ti Moody’s idi Agosto 24 iti panag-affirm-na iti Baa2 rating ti Pilipinas.
Segun ken ni Executive Secretary Ralph G. Recto, ti dua nga affirmation ket nalawag a botos ti kumpiansa ti addang ni Presidente Ferdinand Marcos Jr. ken iti kinapigsa ti ekonomiya ti pailian.
Gapu iti nangato a credit rating, manamnama a bumaba ti interes dagiti pautang a kiddawen ti gobierno ken kadagiti pribado a negosio idiay ballasiw taaw.
Kabayatanna inpanamnama ti gobierno a dagiti matipid a pondomanipud iti nababbaba a bayad iti interes ket maipan iti pampubliko a pasilidad kas kadagiti ospital, pagadalan, kalsada ken kadagiti programa para iti pagilian.
