LAOAG CITY – Impasigurado ni Executive Secretary Ralph G. Recto ti panangtulongda kadagiti estudiante a maipaayan ti presidential scholarship program agingga nga agturposda.
Inpetteng ni Recto ti pammilin ni Presidente Ferdinand Marcos Jr. nga ipaay ti serbisio ti gobierno kadagiti nasken nga agkasapulan.
Segun kenkuana, ti scholarship program ket maysa a nasken a programa ti gobierno tapno masigurado ti panagturpos dagiti estudiante.
Ti Bagong Pilipinas Barangay Presidential Scholars Program ket maysa nga inisiatibo nga inwayat ti administrasion ni Presidente Marcos no sadinno ket gagemna daytoy a programa ti Bawat Bayan Makikinabang a mangted ti tulong a P20,000 dagiti agkasapulan nga estudiante iti kolehiyo.
Inbatad ni Recto nga iti agdama ket umaboten ti sumurok 30 million nga estudiante ti naipaayanen ti subsidia manipud iti nadakamat a programa.
