LAOAG CITY – Naglikaudan ti Bureau of Jail Management and Penology (BJMP) ti immuna a damag a natulid ni Senador Jinggoy Estrada iti kasilyas ti New Quezon City Jail.
Segun ken ni BJMP Spox JSupt. Jayrex Bustinera, magmagna ni Estrada iti hallway bayat nga agsagsagana daytoy para iti court-ordered check-up-na no sadinno ket kellaat a nakangngeg daytoy ti panag-snap iti tumengna ket ditoyen a nakarikna ti Senador ti sakit iti tumengna.
Gapu iti daytoy, insigida nga inarayat daytoy ti BJMP doctor.
Inlawlawag ti Bureau of Jail Management and Penology (BJMP) nga adda ti pre-existing knee injury ni Estrada sakbay pay daytoy a naibalud.
