LAOAG CITY – Binigbig ti lokal a gobierno ditoy siudad ti Laoag dagiti umili a nakipagpaset iti Weight Loss Challenge Season 2.
Babaen iti nasao a programa, manipud obese wenno overweight, napaneknekanda a kayada a pabassiten ti bagi wenno pababaen ti timbangda.
Naipagunam-gunam ditoy ti disiplina, diet ken ehersisio iti las-ud ti 4 bulan.
Mainaig iti daytoy, sinuportaran ni Mayor James Bryan Alcid daytoy nga initiabo gaputa maipangpangruna ti salun-at dagiti indibidual.
Gapu iti daytoy, magutgutigot dagiti partisipante nga itultuloyda ti panangmentenarda ti salun-atda gapu ta para met laeng daytoy kadakuada.
Ti nasao a programa ket inwayat ti City Government babaen ti City Health Office kas paset ti culminating activity ti Nutrition Month Celebration.
