LAOAG CITY – Inaprubaran ti baro a presidente ti Colombia ni Abelardo de la Espriella, ti ekstradisyon ti lima a miyembro ti armado a grupo dagiti rebelde a wanted iti Estados Unidos gapu kadagiti kaso nga adda ti pakainaigan iti illegal a droga.
Daytoy ket maysa nga addang tapno agngudon ti plano ti sinukatan na a ni Gustavo Petro, para ti pannakaparmek ti kinadamsak iti Colombia iti uneg ti sumagmamao a dekada iti babaen ti panangikabil kadagiti grupo ti rebelde ken criminal iti negotiation table.
Inpetteng ni President de la Espriella nga iti paylaeng umuna nga aldaw ket nalawagen a tapno naan-anay a maaddaan ti natalna a pagilian ket masapol a saan nga ipalubos a pagumukan dagiti kriminal.
Basar iti report, dagiti lima nga indibidual a sumangsango ti extradition ket miembro kadagiti faction dissident ti Revolutionary Armed Forces of Colombia (Farc), maysa a makattigid a grupo a nagpirma ti katulagan para iti pannakaisaknap ti kapia iti gobierno idi 2016 ken ti Gulf Clan, a mapapati a kangrunaan a kartel ti droga iti Colombia.
