LAOAG CITY – Naduktalan a maysa a prinsipe ti maysa nga agtawen 26 a salesman ti kotse idiay Belgium.
Opisialen a nabigbig kas maysa a prinsipe ni Clément Vandenkerckhove kalpasan nga inadmitir ni Prince Laurent ti Belgium nga isuna ti ama ti nasao nga aglaklako ti kotse.
Ni Clément ket bunga ti nalimed a relasion da Prince Laurent ken ti aktres ken singer a ni Wendy Van Wanten sakbay pay a nagkasar ti prinsipe idi tawen 2003.
Ti Belgium ket maysa a pagilian nga addaan ti constitutional monarchy ket ti manarimaan nga ari ket ni King Philippe, no sadinno ket kaanakanna ni Clement a maysa a salesman.
Mainaig iti daytoy, inyistoria ni Clément, a 16-anyos isuna idi inadmitirna ti kinasiasinnona no sadinno ket pinaneknekanna daytoy babaen ti maysa a DNA test, no sadinno ket rimmuar a 99.5 percent match.
Nupay kasta, awan ti maawat a royal allowance ni Clément ken saan a karaman daytoy iti line of succession tapno agbalin nga ari ken awan ti royal duties-na.
