LAOAG CITY – Tabla ti resulta ti laban ti Belgium ken Egypt para iti Group G iti score a 1-1.
Gapu ta tabla, nagtalinaed a nakalukat ti laban iti Group G a pakairamanan ti Iran ken New Zealand.
Kabinnalubal ti Belgium ti Iran idinto a makalaban met ti Egypt ti New Zealand inton Hunio 21.
Maipalagip a naglippas ti draw ti laban ti Spain ken Cape Verde iti opening match iti Group H.
Ti resulta ket ibilang a dakkel a surpresa gapu ta maysa ti Spain kadagiti paborito iti torneo idinto nga umuna a daras a nakipaset ti Cape Verde iti FIFA World Cup.
Immuna iti daytoy, iti umuna a paset ti ay-ayam ket dominante ti Spain iti panangatake ngem saanda a naabak ti depensa ti Cape Verde.
