LAOAG CITY – Imbilin ti Sandiganbayan ti pannakawayawaya ni dati a Department of Public Works and Highways (DPWH) Secretary Manuel Bonoan.
Kasaruno daytoy ti naan-anay a pannakaikkat dagiti kaso kontra iti dati a sekretario.
Iti nadakamat a pammilin a pinirmaan ti Sandiganbayan Fifth Division, nabilin ti Philippine National Police (PNP) General Hospital a wayawayaan ni Bonoan.
Immunan nga imbilin ti Office of the Ombudsman iti Sandiganbayan nga ikkaten ni Bonoan kas kaduana nga akusado ken ni Senador Jinggoy Estrad ken sumagmamano nga opisyal gapu iti anomalies kadagiti flood control projects.
Mainaig iti daytoy. plano ti Ombudsman a pagbalinen a saksi ti estado kadagiti flood conrol anomalies.
Ni Bonoan ket addan iti kustodiya ti PNP General Hospital manipud idi Hunio kalpasan nga impaulog ti arrest warrant ti Sandiganbayan.
Nagkiddaw daytoy iti hospital arrest gapu iti sakitna a pakairamanan ti chronic kidney disease ken prostate cancer.
