LAOAG CITY – Mangnamnama ni Senate President Sherwin Gatchalian a maaddaan iti sentensia iti impeachment trial ni Bise Presidente Sara Duterte inton Disiembre.
Segun ken ni Gatchalian, gapu iti baro a tria mapaalisto ti proseso ken maaddaan dan iti verdict iti bise presidente.
Kuna ni Gatchalian a dakkel a banag ti pannakakissay dagiti saksi ti prosekusion kalpasan a saan a naimbitaran idi kalman dagiti 15 a nabati a saksi gapu iti di umiso a panangusar ti confidential funds.
Ngem kinunana nga agpannuray pay laeng daytoy iti bilang dagiti saksi ken dagiti ebidensia nga idatag ti depensa apaman a malpas ti presentasion ti prosekusion para kadagiti uppat nga artikulo ti impeachment.
Namnamaen ni Gatchalian a napardas ti panagtignay ti impeachment trial, nangruna ta nadamagna a situtulok met ti depensa a mang-adjust wenno mangkissay kadagiti saksi.
