LAOAG CITY – Nagdeklarar ti lokal a gobierno ti Manila ti “leptospirosis epidemic” kalpasan a limmabes iti epidemiological threshold ti nairekord a kaso ti sakit iti lugar.
Basar iti Manila Health Department (MHD), immuli iti 3.48 percent ti attack rate ti leptospirosis manipud iti 1.27 percent idi napalabas a lawas.
Iti baet daytoy, napnon dagiti sumagmamano a district hospitals ti iti lugar ti Manila gapu iti agtultuloy a panagserrek dagiti pasiete nga agkasapulan ti pannakataming.
Gapu iti daytoy, imbilin ni Domagoso ti naigiget a kampanya kontra iti leptospirosis, pakairamanan dagiti information drive ken panangipaay ti libre a doxycycline iti 44 a health centers ken pito a district hospitals iti lugar.
Kabayatanna, ti sakit a leptospirosis ket mabalin a maala iti danum wenno iti daga a nakontaminaran ti isbo dagiti infected nga ayup, partikular kadagiti bao no sadinno ket nangatngato ti tsansana a maala daytoy a sakit gapu iti panaglayus.
