LAOAG CITY – Nagpinnerma ti Memorandum of Agreement ti Department of Science and Technology (DOST) – Industrial Technology Development Institute para iti ad-adda a pannakapapigsa ti waste management ditoy siudad.
Inbatad ni Mrs. Mylene Pascual, ti mangidaulo ti City Social Welfare and Development Office (CSWDO) a daytoy ket ti pannakapadur-as ti panagmanehar kadagiti basura no sadinno a manipud take-me-dispose ket agbalo a closed-loop circular economy.
Kunana nga addan to iti maangay a lecture maipanggep ti circular economy tapno mailawlawag a nasayaat daytoy kadagiti umuna a mang-implementar.
Segun ken ni Pascual, gagem ti nasao a programa ti ad-adda a pannakaprotehir ti aglawlaw a pakairamanan ti waste management.
Kabayatanna, nakagun-od ti pammigbig ti siudad ti Laoag iti babaen ti Department of Science and Technoloy (DOST) – Industrial Technology Development Institute a maysa a kangrunaan a rason ti napapigsa a panagbinnulig ti lokal a gobierno ken ti nasao nga ahensia.
