LAOAG CITY – Nagpakdaar ti National Kidney and Transplant Institute wenno NKTI kontra iti social media trend a maitampok nakakatkatawa a post ken artificial intelligence wenno AI-generated images mainaig iti panaglako wenno panag-trade iti kidneys para iti gadgets.
Maawatan ti National Kidney and Transplant Institute a panangloko laeng dagiti post imbes a ti panagsugsug ti aramid a panaglabsing iti linteg.
Nupay kasta, inpettengda a ti human organs ket saan a rumbeng nga agbalin kas commodities wenno forms of payment.
Inbatad ti institute a dagitoy a content ket mangiwaras ti misinformation, mangaramid ti saan nga umno nga impression a ti organ trading ket legal ken padaksepen ti napasaran dagiti living donors, transplant recipients ken pasiente nga agur-uray ti transplants.
Inallukoyna ti publiko nga sanayen ti ad-adda a sensitibp ken responsibilidad no agpost ti online ken panagusar ti digital platforms tapno suportaran ti umno nga impormasion ken respeto iti dignidad dagiti maseknan ti organ donation.
