LAOAG CITY – Simrek iti Singapore Open ni Filipina tennis star Alex Eala kas No. 3 seed iti Women’s Tennis Association wenno WTA 500.
Daytoy ti kangrunaan a tournament-na manipud iti pannakaartapna iti third round iti US Open.
Maisayangkat ti nadakamat a torneo inton Setiembre 21 agingga 27 iti OCBC Arena iti Kallang no sadinno maipaayan ni Eala ti maysa pay a gundaway a makipaset sakbay ti panangirepresentarna ti pagilian iti Asian Games.
Naamoan a ti reigning French Open Champion a ni Mira Andreeva ket mangidaulo iti field kas top seed, kasaruno ni world no. 11 Amanda Anisimova kas no. 2 kabayatan a ni world no. 19 Elise Mertens ti no. 4 seed ken no.26 Maja Chwalinska ti maikalima a seed.
Pakairamanan pay ti Singapore Open ni dati a Wimbledon champion Barbora Krejcikova, Maria Sakkari, Donna Vekic ken dadduma pay.
Kabayatanna, daytoy ti umuna a daras nga agay-ayam ti main draw ti Singapore Open ti agdama a world no. 18 a ni Eala.
