LAOAG CITY – Nagballigi ti nag-debut iti senior continental stage a ni Albert Ian Delos Santos kalpasan a nagun-odna ti bronze medal iti men’s 70kg weightlifting event ti 2026 Asian Games idiay Nagoya City Trade and Industry iti Japan.
Saan laeng a medalia ti naiyawid ti agtawen 20 a Filipino weighlifter no diket maysa a baro a junior world Asian records kalpasan a nakairekord ti 183kg iti clean and jerk iti maikatlo nga attempt-na.
Naartapan ni Delos Santos ti dati a junior world ken Asian record-na a P180kg idi kabaelanna a nabagkat ti 181 kg iti maikadua nga attempt-na.
Mainaig iti daytoy, ad-adda nga inartapanna ti nadagdagsen a challenge ken nagballigi a nabagkat ti 183kg tapno buraken ti bukodna a rekord.
Iti snatch, nakairekord ni Delos Santos ti 141kg, gapuanan tapno umabot iti 324kg ti pakabuklan a nabagkatna ken pannakagun-od ti maikatlo a puesto iti podium.
Nalabsanna ni Adkhamjon Ergasev iti Uzbekistan a nagleppas ti maikapat a puesto nga adda pakabuklan a 318kg manipud iti 142kg snatch ken 176kg clean and jerk.
Kabayatanna, nagun-od ni Ri Wun Ju ti North Korea ti balitok a nakairekord ti 349kg, pakairamanan ti 151kg snatch ken 198kg clean and jerk. Simmaruno met ti hose country bet a ni Masannori Miyamoto iti Japan nga adda pakabuklan a 342kg.
