LAOAG CITY –Nangipila ti petition for bail ti kampo ni dati nga House Speaker Martin Romualdez iti Sandiganbayan ita nga aldaw, Lunes, Setiembre 28.
Basar iti rakurak, naipila ti kampo ni Romualdez ti petision mainaig ti sangsangoenna a kaso a plunder iti maipagarup a P7.44 bilyon a kickback scheme kadagiti flood control ken dadduma pay a government projects.
Naikeddeng a mangrugi intono Oktubre 12 ti panagdengngeg iti petision for bail daytoy no sadinno a manamanam a mangipila ti ebidensia ti prosekusion mainaig iti kinapigsa ti kaso a naipila kontra iti dati nga House Speaker.
Kabayatanna, agpaot met agingga Nobiembre 12 ti bail hearings ni Romualdez, no sadinno a manamnama nga idasar ti prosekusion ti agarup 23 a testigo bayat a tallo wenno uppat met ti ipasango ti depensa.
Mainaig iti daytoy, marugian met intono Nobiembre 23 ti main trial ti kaso no sadinno nga adda iti agarup 73 a testigo ti naikeddeng nga ipasango ti prosekusion, bayat nga adda iti 40 ti manamnama nga ipasango ti depensa.
Maipalagip nga idi Setiembre 16 ket nangipila ni Romualdez ti plea a not guilty iti kaso a plunder iti Sandiganbayan.
