LAOAG CITY – Inlawlawag ni Atty. Domingo Egon Cayosa, dati a Presidente ti Integrated Bar of the Philippines (IBP) a ti sub judice rule iti impeachment court ket naipalaon iti Rule 18 ti Senate rules of Impeachment.
Kuna na a nailanad ditoy a dagiti dagiti abogado, partido ken huwes ket saan da a mabalin a trataren ti merito ti kaso iti ruwar ti korte.
Malaksid iti daytoy, adda pay ti inhirit power ti aniaman a korte karaman ditoyen ti impeachment court no sadinno nga adda ti otoridad da a mangdisiplina iti siasinno man a paset iti kaso a mangperperdi nga awan ti pagibasaran, ti kredibilidad, integridad ken kabaelan ti korte.
Inbatad na a babaen ti inhirit power of contempt ket maaddaan ti disiplina ken mapagtalinaed ti kredibilidad ken disiplina ti proseso ti panangusig ken dagiti huwes ken abogado a karaman iti daytoy.
Innayon na nga iti ababa a kaipapanan ti sub judice rule ket maipawil nga unnaan ti dagiti senator-judges no maipapan iti merito ti kaso.
Inpetteng ni Atty. Cayosa a nalawag ti pagibasaran isut gapuna a dagiti partido ken dagiti abogado da, karaman ti sumagmamano a senador ket rumbeng nga agobserbar iti pagannurutan gapu ta napateg daytoy saan laeng a ti resulta, makunviktaran man wenno acquitted ti maus-usig, ti kapatgan ket makitkita dagiti umili a naurnus ti proseso, patas ken maiyataday iti linteg ken ti kinapudno.
