LAOAG CITY – Umabot iti baro a record-high a P19.61 trilyon ti pakabuklan nga utang ti gobierno iti panagngudo ti bolan ti Agosto ita a tawen.
Segun iti Bureau of the Treasury (BTr), nanayunan ti P217.62 bilyon wenno 1.12 porsyento ti utang ti pagilian manipod iti dati a P19.39 trilyon idi Hulyo gapu iti panagisyu dagiti domestic government security ken panagkapuy ti balor ti piso kontra dolyar.
Iti pakabuklan a balor ti utang, P13.24 trilyon wenno 67.53 porsyento ti naggapo kadagiti local source idinto a P6.37 trilyon wenno sumuruk-kumurang nga $101.92 bilyon ti naggapo kadagiti external source maibasar iti exchange rate a P62.50 iti kada dolyar.
Kayatna a sawen daytoy ket 10.72 a porsyento ti nagngatoan iti utang ti pagilian no ikompara iti nairekord a P17.71 trilyon idi Disyembre 2025.
