LAOAG CITY – Ad-adalen ti Commission on Elections (Comelec) dagiti addang tapno ad-adda a mapalawa ti panagbutos para iti overseas Filipino workers (OFWs), pakairamanan ti nalawlawa a panagusar ti internet voting ken posible a nasapa a panagbutos para iti senior citizens, persons with disabilities ken dadduma pay a vulnerable sectors.
Segun ken ni Comelec Chairman George Erwin Garcia, nababa pay laeng ti turnout ti overseas Filipino voters iti baet dagiti addang a manggutigot kadagitoy tapno agprehistro ken agbutos.
Mapatta-patta a 12 milyon ti Pilipino nga adda ti ballasiw-taaw ngem awan pay 2 milyon ti nakarehistro nga oversear voters.
Mangnamnama ni Garcia nga ad-adda a magutigot dagiti overseas Filipino workers (OFWs) nga agbutos iti babaen ti internet voting gapu ta mabalinda nga agusar ti cellphone, laptop wenno tablet a saanen a kasapulan ti agbiahe iti polling site wenno tumalaw iti trabaho.
Innayon ni Garcia a mabalin pay a talantanen ti Kongreso daytoy a singasing.
