LAOAG CITY – Nakairekord ti Bureau of Customs (BOC) ti record-high collection a P757.4 billion iti uneg ti 9 a bolan a target na.
Inbatad ni Presidential Communications Office (PCO) Undersecretary and Palace Press Officer Claire Castro a ti panagballigi ti ahensya ket maiyataday iti nagbalin a direktiba ni Presidente Ferdinand R. Marcos Jr. a papigsaen ti revenue collection tapno ad-adda pay a mapasayaat ti serbisyo ti gobyerno para iti tunggal pilipino.
Segun ken ni Castro, ti Bureau of Customs iti panangidaulo ni Commissioner Ariel Nepomuceno, ket naaramid na nga artapan ti nine-month target na nga P8.913 billion.
Immunan nga inrakurak ti Bureau of Customs a nagun-od da ti record-high collection iti babaen ti panangpapigsa ti panangsubaybay ken koleksyon, panangpasayaat ti valuation ken assessment, panangpapigsa ti panangipatungpal kadagiti pagannurutan kontra kadagiti smugglers ken dadduma pay a revenue leakage, ken ti agtultuloy a modernisasyon ti customs processes.
