LAOAG CITY – Na-quarantine dagiti 10 nga indibidual a mapapati a nakasango ti maysa a natay a lalaki gapu iti Ebola idiay Kenya.
Malaksid kadagiti nasao a sangapulo nga indibidual, manarimaan pay ti panangbirok dagiti health officials kadagiti 57 pay a contacts ti nasao a natay a pasiente kalpasan a naduktalan a naggapo daytoy manipud idiay Democratic Republic of Congo a natay iti maysa nga ospital idiay Nairobi, Kenya.
Mainaig iti daytoy, daytoyen ti kaunaan a kaso ti Ebola a nairekord idiay Kenya ken iti pakabukelan iti East Africa.
Kabayatanna, kinuna ti Africa Centres for Disease Control and Prevention chief a kabayatan ti pannakapasar ti nasao a pasiente kadagit sintomas ti Ebola ket nakalasat daytoy kadagiti nagduduma a siudad idiay Democratic Republic of Congo, a napan pay idiay Uganda ken nagturong iti Kenya a saan a na-detect ti sakit ken dagiti sintomasna.
