LAOAG CITY – Nangiparuk-at ti ballistic missiles iti kabaybayan a paset ti east coast ti North Korea ita nga aldaw.
Kinupirmaran daytoy dagiti otoridad ti South Korea, no sadinno nga iti daytoy a bulan ket daytoyen ti maika-uppat a gundaway a nangiparuk-at ti Pyongyang ti ballistic missiles ken kalpasan ti panangipadas ti Seoul ti hypersonic missile-na.
Ti ballistic missiles ket naiparuk-at iti oras ti alas-9:20 ti bigat asideg iti Pyongyang, ken ti maysa pay ket nakadanon iti sumurok 900 a kilometro manipud iti naggapoanna.
Immunan iti daytoy, basar iti Japan Coast Guard, sakbay pay iti daytoy ket immunan a nagpaputok ti North Korea ti dua a saan a masinunuo a projectiles.
Gapu iti daytoy, nangiwayat ti emergency meeting ti National Security Office ti South Korea, no sadinno a patienda a ti panangiparuk-at ti ballistic missile ti North Korea ket nilabsingna ti pagalagadan ti United Nations Security Council.
