LAOAG CITY – Saan a nagballigi ti Alas Pilipinas Men’s iti umuna a labanda kontra iti South Korea iti Men’s Volleyball Pool D ti 2026 Asian Games, kalpasan ti pannakaabakda iti tallo a set iti score a 16-25. 25-27, 22-25.
Narigatan ti Pilipinas iti umuna a set gapu kadagiti service errors a ginundawayan ti South Korea tapno magun-od ti 25-16 a balligi.
Mainaig iti daytoy, ad-adda a naasideg ti score iti second set no sadinno insigida a nakarekord ti Pilipinas ti 4 a puntos a lamang ngem nakasubbot ti South Korea iti maudi a paset iti set agingga a nakalamang daytoy iti score a 21-20, kalpasan ti 3-0 run ken naikabil ti Pilipinas iti alanganin.
Nakisabay ti Alas Pilipinas agingga ti maudi a paset ti set ngem nagun-od ti Korea ti set iti score a 27-25.
Iti met third set, limmaban manen ti Pilipinas ngem saanda a nalappedan ti South Korea nga iserra ken ileppas ti laban iti score a 25-22.
Nangidaulo ti opensa ti Pilipinas ni Alas Pilipinas Men’s team captain Bryan Bagunas nga adda 15 points, kabayatan a nakairekord da Joshua Magalamaan ti 13 points ken Leo Ordiales ti 11 points ken Marck Espejo ti 7 points.
Pakairamanan ti Pilipinas ken South Korea iti pool D ti China ken Chinese Taipei.
