LAOAG CITY – Nalpasen ti kampania ni Alex Eala iti women’s singles ti 2026 Asian Games kalpasan nga inabak daytoy ti Chinese player a ni Wang Xiyu iti tallo a set iti score a 6-3, 3-6 ken 6-2.
Inisgida a nagun-od ni Eala ti momentum iti umuna a set ken immabot iti 5-0 ti lamangna. Idinto a nakasubbot ni Xiyu tapno aramiden a 5-3 ti score, ngem nagtalinaed a natibker ti Pinay tennis star ken sinerrana ti umuna a set iti score nga 6-3.
Iti maikadua a set, nasapa a naiggeman ni Xiyu ti momentum ti ay-ayam kalpasan nga immabante iti 5-1.
Pinadas ni Eala nga agisubbot ken napagbalin a 5-3 iti score ngem nagun-od ti Chinese player ti set iti score a 6-1.
Iti deciding set, nagun-od manen ni Xiyu ti nasapa a lamang iti score a 4-1. Idinto a saan a nakabirok ti wagas ni Eala tapno maitabla ti laban kabayatan nga agtultuloy a nagbalin nga agresibo ti kalabanna.
Gapu iti daytoy, pinalpas ni Xiyu iti deciding set iti score a 6-2 ken nagballigi.
Nupay saan a nakastrek iti finals ni Eala, nagun-od na met iti bronze medal para iti Pilipinas iti women’singles tennis.
