LAOAG CITY – Madanagan ti pamilia ni Ryzza Mae Dizon kalpasan a nakaawat daytoy ti death threat babaen ti maysa nga email.
Iti mensahe, agkidkiddaw ti nasao a nangipatulod ti mensahe ti kuarta kabayatan ti panagballaagna kadagiti kameng ti pamilia ni Ryzza.
Mainaig iti daytoy, impakita ti ina ni Ryzza iti Facebook page-na ti screenshots ti nasao nga email a naawatda idi Oktubre 9.
Kinunana ti ina ni Ryzza a nakigtot dagitoy idi mabasada ti naglaonan ti nasao a mensahe gapu ta awan met ti pagaammoda a nakaapa ti anakna.
Kabayatanna, iti mensahe, agkidkiddaw ti nasao nga indibidual ti P20,000, no sadinno a maipagarup a masapolna daytoy para iti operasion ti anakna ket no saan a tungpalen daytoy ni Ryzza ket iramanna a dangran ti inana.
Gapu iti daytoy kinuna dagiti mangsupsuportar kadagiti agina nga agannad dagitoy kadagiti content-da iti online, pakairamanan ti panangliklik a panangipakita ti lokasionda no addada iti ruar
