LAOAG CITY – Nakairekord ti double-digit a panagdur-as iti koleksion ti buwis ti Bureau of Internal Revenue (BIR) idi Setiembre 2026 kalpasan nga immabot iti P203.5821 billion ti gross collections ti ahensia.
Nangatngato daytoy ngem iti P20.056 biliion wenno 10.93% kumparar iti agpada a bulan idi napalabas a tawen basar iti kangrunaan a datos ti ahensia.
Inbatag ni Bureau of Internal Revenue Commissioner Charlito Martin R. Mendoza nga daytoy ket adda pakainaiganna iti napintas a performance iti boluntario a panagbayad iti buwis iti publiko ken iti pinaiget a tulong dagiti regional ken support units ti nadakamat nga ahensia.
Gapu iti daytoy, immaboten iti pakabuklan a P2.465 trillion ti nakolektar a buwis ti ahensia iti umuna a siam a bulan ti 2026, a nangatngato ti 5.58 a porsiento ngem iti agpada a panawen idi 2025.
