Inbatad ni Atty. Domingo Egon Cayosa, dati a Presidente ti Integrated Bar of the Philippines nga agtultuloy latta ti impeachment hearing nupay maysa laengen a kaso ti pagdedebatean iti impeachment court imbes nga uppat kalpasan a naibasura ti tallo nga rtikulo.
Kunana a napintas daytoy para kadagiti umili gapu ta malpasen iti impeachment case ni Vice President Sara Duterte iti kabiitan a panawen.
Innayon na a basar iti konstitusion iti pagilian, masapul nga alisto iti impeachment ken inyarigna kas ‘summary’ gapu ta ‘forthwith’ daytoy no sadinno masapul nga irugi nga insigida, inaldaw ti hearing ken no adda desision ket pinal daytoyen ken awan ti motion for reconsideration.
Mainaig iti daytoy, saan pay a kasapulan nga ipangato iti Supreme Court.
Segun kenkuana, ti panangibasura ti tallo a kaso ket makatulong tapno mapaalisto ti impeachment hearing.
Nupay kasta, maipaayan latta ti Bise Presidente ti gundaway a mangidatag ti ebidensia ken argumento iti maymaysa laengen a kaso.
