LAOAG CITY -Bimtak ken nauram ti maysa a supertanker a naglaon ti nasurok a dua a million a bariles ti crude oil kalpasan a timmama iti maysa a naval mine iti Strait of Hormuz.
Daytoy ket basar iti impormasion nga imparuk-at ti Islamic Revolutionary Guard Corps (IRGC) ti Iran.
Basar iti Islamic Revolutionary Guard Corps, maipagarup a ginandat ti nasao a barko ti dumalyasat iti nakaserra a paset ti kabaybayan nga awan ti pammalubosna.
Awan met pay ti inparuk-at nga opisial a rakurak ti United States Central Command (CENTCOM) ken ti United Kingdom Maritime Trade Operations (UKMTO) mainaig iti kasasaad dagiti tripulante iti nasao nga insidente.
