LAOAG CITY – Inpasigurado ti Senate finance committee nga ipaay ti parliamentary coutesy iti Office of the Vice President iti panagdengngeg ti 2027 budget-na, agatendar man wenno saan ni Vice President Sara Duterte tapno depensaen ti pondo-na.
Naikeddeng a maisayangkat ti komite ti panagdengngeg iti budget ti Office of the Vice President inton bigat, Oktubre 20.
Mainaig iti daytoy, awan pay kumpirmasion no agatendar ni Duterte iti nadakamat a panagdengngeg ngem inbatad ni Ejercito a maawatanda no saan nga agatendar ti Bise Presidente ken ammoenda pay no adda authorized representative-na.
Kunana pay a mabalinna pay konsultaen ti dadduma a miembro ti finance committee no kasano ti panangiggemda ti panagdengngeg ti budget ti Office of the Vice President.
Immunan nga inkonektar ni Duterte ti impeachment proceedings iti maipagarup a panangibunong ti kuarta ken political maneuvering mainaig iti gakat a 2027 national budget no sadinno kwinestionnaranna no us-usaren ti pondo ti pagilian tapno impluwensiaan kadagiti senator-judges ken dagiti kameng ti Kamara.
