LAOAG CITY – Inpakaamo ni Ms. Liz Atuan mangidadaulo ti Provincial Public Employment Service Office ditoy probinsia ti pannakaisayangkat ti migrant fair, maysa a Job Fair a maisayangkat intono Oktubre 22 iti Centennial Arena.
Malaksid iti dayta, manamnama pay ti pannakaisayangkat ti government to government recruitment a mangted ti nagduduma a trabaho kadagiti agkalikagum a mapan makigasang-gasat idiay pagilian a Taiwan.
Innayun pay ni Atuan nga adda pay maangay a seminar kadagiti employer ken private agencies a mangtalantan iti re-orientation kadagiti baro a labor marketing provision ken kasta pay ti agdama a minimum wage ditoy probinsia.
