LAOAG CITY – Dinayaw ni Sen. Robinhood “Robin” Padilla ti Chinese Ambassador to the Philippines a ni Jing Quan kalpasan ti personal a panagkita dagiti dua iti 2026 ASEAN Chinese Business Leaders Summit.
Iti maysa a social media post ti Senador, nagyaman ni Padilla iti Federation of Filipino-Chinese Chambers of Commerce and Industry, Inc. iti imbitasion iti nasao a panagtitipon a nangted kenkuana ti gundaway a personal a makasarita ni Jing Quan.
Mainaig iti daytoy, inladawan ti senador ni Jing kas edukado, kageddan ti panangipettangna ti importansia ti naannayas a pannakisarsarita kadagiti sesitibo a banag iti nagbaetan dagiti dua a pagilian.
Kuna ni Padilla a makatulong ti personal a panagsarsarita tapno maliklikan ti saan a panagkinnaawatan a mabalin a mangitunda ti panagtaud ti susik dagiti dua a pagilian.
