Inlawlawag ni Governor Cecilia Marcos a saan a ti Provincial Government of Ilocos Norte ti agpili iti sumaruno a mangidaulo iti Mariano Marcos Memorial Hospital and Medical Center (MMMH&MC) iti ciudad ti Batac.
Daytoy ket kalpasan a nakumpirmaran nga agretiron ni Dr. Maria Lourdes K. Otayza kas mangidaulo ti nasao nga ospital.
Segun ken Governor Marcos, agiyendorsar da laeng ti possible a sumukat ni Dr. Otayza ken kunana a dakkel ti tsansa ni Dr. Jose B. Orosa III gapu ta daytoy ti maikadua a mangidadaulo ti balay pagagasan.
Mainaig iti daytoy, kunana nga intono bulan ti Nobiemre ti panagretiro ni Dr. Otayza ken masapol nga adda ti mangsukat a dagus kenkuana kas sumaruno a mangidaulo ti nasao nga ospital.
Kabayatanna, nagyaman ti gobernador ken ni Dr. Otayza iti naan-anay a panangipaayna ti serbisio kadagiti umili iti nasao nga ospital.
