Nakaawat ti 734 a mangngalap manipud Laoag, Burgos ken Paoay ti tulong kabayatan ti naisayangkat a Balikatan Exercise ditoy siudad ti Laoag.
Kiniddaw daytoy ni Governor Cecilia Marcos iti Estados Unidos babaen kenni General Browner a masapol ti tulong dagiti mangngalap a naapektaran ti trabahona gapu ti Balikatan Exercise.
Segun kenni Governor Marcos, nakisarita daytoy kadagiti Armed forces of the Philippines ngem inbatadda nga awan ti maipaayda a tulong.
Rason no apay a nagdesision nga ipakaammo na daytoy kenni General Browner.
Inlawlawagna a ti umuna a gundaway a nakasaritana dagiti taga Estados Unidos ket classroom ti kiniddawna ngem inbabawina gapu ta patienna a mas kasapulan dagiti mangngalap a maawanan ti pagtrabahoan gapu ti Balikatan Exercise.
Mainaig iti daytoy, mismo a ni Secretary Gilberto Teodoro ti nagturong ditoy probinsia tapnu ipaay ti nasao a tulong.
