LAOAG CITY – Inpasigurado ti Malacañang a saan nga agsardeng ti gobierno iti panangtiliw kadagiti adda iti likudan ti panagpukaw dagiti mammallot kagiddan ti panawagan iti pamiliada a saan a maawanan ti namnama.
Inbatad ni Palace Press Officer Usec. Claire Castro nga agtalinaed a nakapokus ti administrasion ni Presidente Ferdinand Marcos Jr. iti panangarestar kadagiti pugante ken panagpasungbat kadagiti karaman iti kaso.
Kinarit ni Castro ni Atong Ang a sumango kadagiti otoridad ken paneknekan nga awan ti basolna no pudno nga awan ti pakainaiganna iti kaso.
Inpasingked pay ti Malacañang nga agtultuloy ti panangikagumaan a maarestar dagiti pugante ken mapagsungbat dagiti responsable iti panagpukaw dagiti mammallot.
