Manarimaan ti pannakaisayangkat ti North Luzon Technology Transfer and Innovation Summit 2026 iti Ilocandia Cultural Center iti ciudad ti Batac.
Nagserbi nga host iti summit ti Department of Science And Technology – Ilocos Norte iti pannakibinnulig ti Department of Science And Technology iti Cagayan Valley ken Cordillera Administrative Region.
Ti summit ket addaan ti tema nga “Strengthening the Academe-Industry-Government Nexus for Innovation and Technology Transfer in Northern Luzon.”
Karaman kadagiti napagsasaritaan ket maipanggep ti pannakaipalawa ti TECHGROW wenno Technology Transfer and Entrepreneurship Collaboration and Harmonization of Growing Regional Opportunities on Wealth Creation project.
Nakatutuk ti summit iti pannakaitantudo ti kolaborasyon, panangsuporta kadagiti lokal nga inobasyon ken pannakapadur-as ti teknolohiya para iti regional communities.
Kabayatanna, inbatad ti maysa kadagiti nagatendar nga estudiante a ni Gerwin Jhay Garcia, nga addaan ti kurso a Bachelor of Science in Entrepreneurship iti Mariano Marcos State University, a napateg unay ti nasao a programa gapu ta babaen iti daytoy ket ado dagiti masursuro da ken maikatulong na kadakuada nga agaramid kadagiti nagduduma nga inobasion.
Mainaig iti daytoy, inrakurak met ni Dr. Teresita A. Tabaog, Regional Director ti Department of Science and Technology – Ilocos Region ti kinapateg ti panagtitinnulong dagiti akademya, gobierno ken industriya tapno dagiti teknolohia ket mausar dagiti tattao iti inaldaw a panagbiagda.
Segun kenkuana, gagem ti DOST ti makatulong kadagiti pudno a problema dagiti komunidad babaen iti siyensa, teknolohiya ken inobasyon.
Babaen kadagitoy a teknolohia, mabalin a mapadur-as dagiti negosyo ken maalay-ayan ti panagngato ti agbalin a pukaw iti apit dagiti mannalon ken mangipaay iti praktikal a pagimbagan.
Ti nasao a summit ket agleppas intono bigat, Oktubre 23.
