Naiget a kontraen ti maysa a grupo ti plano a pannakaipasdek ti Offshore Wind Farm iti ili ti Pagudpud.
Ti Offshore Wind Farm ket proyekto ti kompanya a Buhawin.
Segun ken ni Mr. Lee Kuan, ti Lead Convenor ti Timpuyog Pagudpud Multi-Sectoral Coalition, saan da a pabor iti pannakaipasdek ti proyekto iti nasao nga ili gapu ta dakkel ti epekto na daytoy kadagiti mangngalap no sadinno a possible nga agpukaw dagiti lames wenno ikan rason nga awan to metten ti makalapan da.
Malaksid iti daytoy, dakkel pay ti posibilidad na a maapektaran ti turismo iti nasao nga ili.
Inlawlawag na a no maipatungpal ti proyekto ket maapektaran ti uppat a barangay kas ti Barangay Caparispisan, Poblacion 1 ken 2, kasta pay ti Barangay Burayuc.
Gapu iti daytoy, kuna ni Kuan a plano da ti makisarita kadagiti maseknan nga opisyal ti gobierno tapno saan koma a maipalubos ti pannakaipasdek ti naso a proyekto.
