LAOAG CITY – Nag-viral ti maysa nga oso kalpasan a naalaan daytoy ti video babaen ti security camera a simrek iti maysa a local library iti California.
Ditoy, arig tao a gagangay a naglikos ken nagpasyar ti oso iti library ken inangotna dagiti libro sakbay ti oras a sumangpet dagiti staff.
Naamoan a ti Mammoth Lakes Library branch iti Mono County ket maysa a bear-populated mountain region.
Inbatad dagiti opisial ti library a nakastrek ti oso babaen ti pannaka-trigger ti automatic doors iti front entrance. Idinto a naglikos daytoy iti library ken simrek iti ‘staff break area’ no sadinno kinnanna ti naidulin a taraon ti maysa nga staff kas ti peanut butter, cookies, peach cups, ken maysa a jar ti honey.
Kabayatanna, awan naireport a nadadaael kadagiti libro ken book shelf iti panagserrek ti oso.
