Bimmisita ditoy Ilocos Norte ni Atty. Luke Villiers, Economic Counsellor ti Australian Embassy iti Pilipinas.
Inbatad na nga agtalinaed ditoy probinsya iti dua nga aldaw, ken gagem ti ibibisita na ket maamoan no ania dagiti mabalin da nga itulong iti Ilocos Norte.
Inlawlawag na nga iti panagsursur na ditoy probinsya ket nakita na nga adda ti pagpadaan ti Australia ken Pilipinas maipapan iti sitwasyon iti sektor ti agrikultura, edukasyon, ekonomiya, isyu iti pulitika, aglalo iti panagpaspasar ti nagduduma a karit.
Ita a tawen ket selebraran ti ad-adda pay a napatibker a relasyon ti Pilipinas ken Australia, a pakaragsakan met ni Villiers gapu ta naikkan ti gundaway nga immay bimmisita ditoy probinsya.
Kabayatanna, inpakaammo na nga ti agdama ket adda ti Australian Awards Scholarship no sadinno a mabalin da nga isponsoran dagiti pilipino a mangayat a mapan agadal ti masters degree idiay Australia, ken kalpasan ti panagadal da ket agsubli da ditoy pilipinas tapno isu ti pangiserbian da kadagiti nasursuro da.
Innayon na nga adda pay ti Agricultural Center International a ti kangrunaan a kabinnulig da iti daytoy a programa ket ti Mariano Marcos State University.
