Ipalawa ti Philippine Health Insurance Corporation (PhilHealth) kadagiti sumagmamano a first-line anti-tuberculosis (TB) medicines babaen ti Guaranteed and Accessible Medications for Outpatient Treatment (GAMOT) program, a mangipaay kadagiti eligible a miembro ken dependents da iti kanayonan a puntos para kadagiti prescribed medicines a mangrugi inton Nobiembre 1, 2026.
Dagitoy ket mabalin a magun-od manipud ti PhilHealth-accredited GAMOT Facilities babaen ti in-isyu ti YAKAP physicians.
Gagem daytoy a padur-asen ti agtultuloy a pannakapintas ti healthcare system iti pagilian babaen ti komprehensibo a Yaman ng Kalusugan Program wenno YAKAP ken ti pannakasuporta iti Unified National Agenda for Health.
Kabayatanna, saan met a maikissay ti covered anti-TB medicines manipud iti ₱20,000 annual GAMOT a benefit limit kadagiti miembro.
