LAOAG CITY – Nakairekord ti baro a panagbaba ti piso kontra dolyar iti intraday trading ita a Martes, Oktubre 27, 2026.
Basar iti datos manipud iti website ti Bankers Association of the Philippines, naglukat ti presio ti dolyar ditoy pagilian iti P63.95 sakbay daytoy a nailemlem iti P64 itay alas-11:05 ti bigat.
Maipalagip a nagserra ti record low a P63.95 ti piso idi laeng kalman.
Segun ken ni Will Cabangon, presidente ti maysa nga stock brokerage firm, ti panagkapsot ti piso ket mabenepisiaranna dagiti kumpanya a dakkel ti mapaspastrekanna a dolyar.
Kabayatanna, inpetteng met ti financial analyst a ni Rogel Morales a no man pay adda ti posibilidad a makabawi ti lokal a piso, ti agdama a garawna daytoy ket nakadepende pay laeng kadagiti trend iti merkado.
