Iti tunggal pakasar, adda dagiti garbo a regalo ken agkakangina nga alahas a maipaay kadagiti nagkasar, ngem idiay Turkey naidumduma ti kalikagom dagiti newly-wed couples.
Ti baro a kasar da Muhammed ken Fatma Cakmak iti Sanliurfa Turkey, imbes nga agbalin a gagangay ti selebrasion da, nagdesision da nga imbitaran dagiti sumurok kumurang a 100 nga ulila nga ubbing tapno maipaay laengen kadakuada dagiti regalo tapno agbalin a naragragsak ti panagselebrar da.
Inkiddaw da pay kadagiti bisita da a saanen nga agitugot kadagiti tradisional a regalo nga alahas para kenkuada nga agassawa.
Iti tulong ti maysa a humanitarian organization, naitungpal da dagiti plano ken nakaatendar dagiti ubbing iti kasar ken naawat da dagiti regalo manipud kadagiti bisita.
Para kadagiti agassawa, adadda a naragsak da gapu ta naipaayan dagiti ubbing nga agkasapulan imbes a maawat da kas regalo iti panagkallaysa da.
