Inpaganetget ni Presidente Ferdinand Marcos Jr. a makatulong dagiti electric tricycle wenno e-trike a makainot iti gastos iti gasolina ken manayunan ti pagsapulan dagiti drayber.
Inbinglay daytoy ti Presidente iti panagbisitana iti planta ti panagaramid ken panag-assemble dagiti de-kuryente a lugan iti Biñan, Laguna,
Segun ken ni Marcos, kabaelan nga agbiahe dagiti e-trike ti 100 agingga 210 kilometro iti maysa a daras a panag-charcge no sadinno umdas daytoy iti gagangay nga inaldaw a biahe dagiti driver nga umabot iti 90 a kilonetro kadagiti siudad ken 110 agingga 120 a kilometro kadagiti probinsia.
Agpaot met daytoy iti innem agingga walo nga oras no full charge dagiti lugan.
Malaksid iti daytoy, segun iti Presidente a makatulong ti panagusar ti e-trike a makissayan ti panagdependar dagiti drayber iti gasolina tapno dakdakkel a paset ti masapulanda ket maiyawid iti bukodda a pamilia.
Ti nadakamat nga investment ket makaaramid dagiti trabaho, mangpapigsa iti lokal nga indistria ti behikulo ken mangipaay ti oportunidad kadagiti negosio dagit Pilipino nga agar-aramid ti piyesa.
Manamnama pay ti panagkissay ti panagdependar ti gasolina ken panangilungalong ti nadaldalus a transportasion.
Kabayatanna, ginutigot ni Presidente Marcos ti nadakamat a kompania nga mangala pay dagiti piyesa manipud kadagiti lokal a manufacturer tapno manayunan ti oportunidad para kadagiti negosiante ken mangmangged a Pilipino.
Gagem ti kompania nga aramiden a de-kuryente ti 50 a porsiento dagiti behikulo iti pagilian inton 2040.
