Manamnama nga agturong ti pagilian ti global girl group a Katseye inton sumaruno a tawen para iti concert-da.
Inanunsio ti Live Nation Philippines a karaman kadagiti pagilian a pagturongan ti WildWorld Tour ti Katseye iti pagilian inton Enero 29 iti SM Mall of Asia Arena, Manila ken Pebrero 7 iti SM Seaside Cebu Arena, Cebu.
Mangrugi iti ticket selling inton Nobiembre 10 para iti Eyekons, nga addaan ti membership registration idi kalman, Oktubre 29 agingga Nobiembre 1.
Manamnama met ti Mastercard presale manipud Nobiembre 11-12 ken ti Katseye.World Artist presale inton Nobiembre 12.
Kabayatanna, inanunsio ni Katseye leader Sofia Laforteza nga agsubli daytoy iti grupo inton Enero kalpasan ti hiatus-na idi Agosto.
Ti Katseye ket maysa a 6-member global girl group a nag-debut iti 2023. Naudi dagitoy a nakita iti pagilian idi 2024.
